මාළුන්ටත් පණු බෙහෙත් [UPDATED]

හුගක් අය නොදන්න කාරණයක් තමයි මාළුන්ටත් පණු බෙහෙත් දෙන්න ඕන කියන එක. සාමාන්‍යයෙන් මාංශභක්ෂක මාළුන්ට අපි නිතර අමු මස් ජාති කවනවනන් පණු බෙහෙත් දීම බොහෝ වැදගත්. මස් මාංශ පමණක් දෙන මාළුන්ට පුරුද්දක් වශයෙන් වසරකට 2පාරක් හෝ 3පාරක් (මාස 3ක්ට හෝ 4කට වරක්) වගේ පණු බෙහෙත් දෙනවානම් හොදයි. Pellet ජාති පමණක් ආහාරයට ගනිමින් වැඩුනු මාළුන්ටනන් ඒක එච්චර අවශ්‍ය නෑ. මාස 6කට සැරයක් වගේ දුන්නම ප්‍රමාණවත්. මේ ලිපියෙන් මාළු ගැන හොද අත්දැකීම් සහ දැනුමක් තියෙන සහෝදරයෝ කිහිපදෙනෙක්ගෙන් එකතු කරගත් පණු බෙහෙත් පිළිබද විස්තර කිහිපයක් ඔයාලා එක්ක බෙදාගන්න හිතුවා.

මුළින් හදුනාගන්න උත්සහා කරමු පණු අමාරුවකින් පෙලෙන මාළු.

• අස්වාභාවික ලෙස කෙට්ටූ ශරීරයක් හෝ ඉදිමිච්ච වගේ බඩක්
• ආහාර අරුචිය
• අසාමාන්‍ය ලෙස ගැස්සිලා වගේ හෝ හදිස්සියෙන් වගේ වේගයෙන් පිහිනීම
• සුදුවට හුරු වර්ණයකින් මලපහ කිරීම
• සුදු නූල් වැනි දේ මලපහ කිරීම.

මාළුන්ට නියමිත වේලාවට පණු බෙහෙත් ලබාදීමෙන් හොද වර්ධනයක් (විශාලත්වයෙන් සහ වර්ණ වලින්) ලබාගත හැක.පණු බෙහෙත් විදිහට Praziquantel අඩංගු බෙහෙත් දෙන්න පුළුවන්. මම විස්තර ලබාගත් කට්ටිය භාවිතා කරන බෙහෙත් තමයි: Drontal Plus, Mebendazole සහ  Flagyl.

Mebendazole:

ජලය ලීටර් 1ට, බෙහෙත් 2mg වන පරිදි ටැංකියේ මුළු ජල ප්‍රමාණයට අදාල බෙහෙත් එකතු කල හැකි. Pharmacy වල මිලිදී ගැනීමට ඇත්තේ 100mg පෙති 6 ගානේ card. නමුත් අපිට දැනගන්න ලැබුනේ සමහර මාළුන්ට මේක දුන්නම හමේ රෝග, fin-rot වගේ තත්ව එනවා විශේෂයෙන්ම කොරපොතු නැති මාලු වර්ග catfish, polypterus වගේ. හැබැයි ගප්පී, zebra, ප්ලේටි වගේ මාළුන්ට නම් ගැට්ලුවක් නෑ.

Drontal Plus:

මාළුවට දෙන කෑම සමග දෙනවානම් බෙහෙත් 600mg (එක පෙත්තක ප්‍රමාණය), 300g කෑම සමග මිශ්‍ර කරලා දෙන්න පුළුවන්. මාළුවාට තරමක් බරපතල තත්වයක් තියෙනවානම් මේ ක්‍රමය තමයි වඩාත් සුදුසු. 

මාළු ගොඩකට එක පාර බෙහෙත් කරනවානම් සහ පුරුද්දක් වශයෙන් බෙහෙත් කරනවානම් 600mg පෙත්තකින් කාලක් (1/4) ටැංකියේ වතුර ලීටර් 150-200 වෙන විදිහට දිය කරන්න පුළුවන්. වතුරේ දිය කිරීමේදී තියෙන තව වාසියක් තමයි, මාළුවන්ගේ ඇගේ පිටතින්, ටැංකියේ එහේ මෙහේ තියෙන පණුවන්ගේ බිත්තරත් විනාශ කරගන්න පුළුවන්.

Flagyl:
Pharmacy වලින් ලබා ගත හැකි තවත් බෙහෙතක් වන Flagyl එහෙමත් නැත්තනම් Metronidazole මාළුවට දෙන කෑම සමග මිශ්‍ර කරලා දෙන්න පුළුවන්. Epsom Salt ටිකකුත් වතුරට මිශ්‍රකල හැකි නම් වඩාත් හොද ප්‍රතිඵල ලබාගන්න පුළුවන්. සමාන්‍යයෙන් අඩියක ආසන්න මාළුවෙක්ට 200mg පමණ ප්‍රමාණවත්. පෙත්තක් සාමාන්‍යයෙන් 400mg වන නිසා බාගයක් ලබා දිය හැක.
________________________________________________________________________________

ඉහත කියන ලද බෙහෙත් විශේෂයෙන්ම මාළුන්ට සැකසුන එවා නෙමෙයි, නමුත් හානියක් නැතුව අඩු මුදලකට අරන් භාවිතා කරන්න පුළුවන්. මාළුන්ට විශේෂයෙන් සැකසුන බෙහෙත් කිහිපයක් පහත පෙන්නලා දීලා තියෙනවා මට දැනගන්න ලැබුන. මේවා ඒවායේ අසුරනවල සදහන් කරලා තියෙන පරිදි මාළුන්ට දෙන්න පුළුවන්. මසුන් විකුණන කඩවල්වලින් මේවා මිලදීගන්න පුළුවන් නමුත් සමහර ඒවා සොයාගැනීමට අපහසු විය හැක.

EIHO PRAZI GOLD 

පිටරටවල්වල හුගක් අය මාළු de-worm කරන්න භාවිතා කරන බෙහෙත තමයි මේක. මේක ඕනම මාළුවෙක්ට වගේ අවුලක් නැතුව පාවිච්චී කරන්න පුළුවන්. අවාසනාවකට මේක ලංකාවේ අලෙවි වන ස්ථානයක් අපිට හොයාගන්න බැරි උනා. නමුත් ඔයාලට පිටරටකින් ගෙන්නගන්න ක්‍රමයක් තියෙනවනම් මේක සුපිරිම බෙහෙතක්. මේක තරමක් මිල් අධිකයි අපිට ආරංචී හැටියට.

Ocean Free Paraclear

මාළු පණු අමාරුවකින් පෙලෙන වෙලාවට දෙන්න පුළුවන් ඉතා හොද බෙහෙතක් මේක. පුරුද්දක් වශයෙන් දෙන බෙහෙතක් නමේ. Flowerhorn, Angel, Discus ඇතුලු සික්ලිඩ් වර්ගයේ බොහෝ මාලුන්ට සුදුසුයි. මේකේ ගහලා තියෙන මාත්‍රාවට ජලයේ මිශ්‍ර කරන්න තමයි තියෙන්නේ. මේකනම් ලංකාවේ හුගක් විසිතුරු මත්ස කඩවල්වල තියෙනවා.

CLEAR

Flowerhorn මසුන් පණු අමාරුවකින් පෙලෙන වෙලාවට දෙන්න පුළුවන් ඉතා හොද බෙහෙතක් මේක. මේකත් හැබැයි පුරුද්දක් වශයෙන් දෙන බෙහෙතක් නමේ. මාළුවා කන්නේ නැති තත්වෙට ආවම දෙන එකක්. මේ බෙහෙත මෙම බෝතලයේ තියෙන විදියට සකස් කරගේන syringe එක භාවිතා කරලා කට ඇතුලෙන් කෙලින්ම බඩට දාන්න තියෙන්නේ. අවාසනාවකට වගේ මේකත් ලංකාවේ දැනට නෑ, ඔයාලටම රටින් ගෙන්නගන්න වෙනවා.

Ocean Free Arowana Internal Bacteria & Ulcer Away 

(අරොවානා මසුන් සදහා විශේෂයෙන් සාදා ඇති බෙහෙතක්. මේක පණු බෙහෙතක්ම නෙමෙයි, හැබැයි ඒවගේ ලෙඩ තත්වයකට bacteria හේතුවක්නම් මේකත් හරි.)

මේ ඕනම බෙහෙතක් ලබා දෙද්දී දිනපතා 25%-30% වතුර ප්‍රමානයක් අඩියෙන් ඉවත් කරලා අලුතින් පුරවන්න දවස් 5ක් පමණ (බෙහෙත් බෝතලයේ වෙනත් ආකාරයක් සදහන් කා නැතිනම්). මෙහෙම කරන්න හේතුව මාළුවාගෙන් ඉවත් වෙන පණුවන්, පණු බිත්තර අඩියේ තිබෙන බැවින් ඒවා ඉවත් කිරීමයි.

වැදගත්:

• ඕනම බෙහෙතක් ටැංකියට එක් කරද්දී ෆිල්ටර් වල තියෙන active carbon සහ අනෙකුත් chemical filtration media ඉවත් කරන්න.
• කොහොම උනත් මතක තියාගන්න අවශ්‍ය දේ තමයි මේ ඉහත සදහන් බෙහෙත් ඉහත කියන ලද මාත්‍රා වලට යොදාගැනීමට පෙර තමන් ඇති කරන මාළුන්ට සුදුසු ද කියලා හොයලා බලන්න. මේ සදහන් කරලා තියෙන කරුණු අත්දැකීම් තුලින් ලබාදීලා තියෙන්නේ නමුත් තමන්ගේ මාළුන්ගේ වගකීම තමා ගත යුතුයි. තමන්ට වෙනත් කරුණු හොයාගන්න හැකියාවක් නැත්නම් ඉහත සදහන් පරිදි කළ හැකී.

විශේෂ ස්තූතිය: සුරාජ් සම්පත්, හසිත ජයසුන්දර